搞得掂立山黑部 阿爾卑斯山脈既交通,就冇野難得到你啦!

搞得掂立山黑部 阿爾卑斯山脈既交通,就冇野難得到你啦!

去東京大阪去到悶, 又唔想淨係shopping?
立山黑部一定係一暏大自然奇觀既不二之選!
對於立山黑部阿爾卑斯山脈完全零概念既我,事前都做左唔少準備功夫架!
由於積雪關係, 計劃行程之前一定要注意開放時間!!!
官方部門每年都會公佈開放登山時間! 2017年既開放時間係4月15日至11月30日,
冬天去既話記得帶夠禦寒衣物呀, 山上面會好凍架!
如果要遊覽全個阿爾卑斯山脈既話, 就要乘搭以下幾種指定既交通工具,
的確係好煩瑣, 不過可以睇到咁震撼既全天然景觀, 絕對係值得既!
首先, 第一樣野要知道既係,
西邊(富山側)上山入口為”立山”站,東邊(長野側)上山入口為”扇澤”站,
呢兩個地名要緊記, 因為搭車既時候成日都會見到~
由富山方向入,長野方面出既路線 (西邊入, 東邊出), 會被稱為「立山黑部」
相反,  由長野方向入, 富山方向出既路線 (東邊入, 西邊出), 就係「黑部立山」,
決定好由邊邊開始上山之後, 就要做定功課, 到時就唔洗煩啦!
揀好上山路線之後,一定要諗埋落山路線, 對於時間/金錢方面就可以有更清晰既預算~
根據官方提供既資料, 來回立山車站/黑部水庫既車程長達9個鐘架!
記得預早啲出門, 預鬆少少時間呀!

 

至於票價方面可以根據下面既圖表,睇返單程/來回既價錢,
如果想慳時間同慳錢, 可以揀返想去既景點, 睇完之後原路折返落山!
想行哂成個阿爾卑斯山脈路線既, 可以考慮買各種唔同既套票,
咁就相對地抵玩啲, 因為穿越成條立山黑部路線最起碼要洗成萬yen架!
記得睇清楚各種周遊劵/套票既購買地點同營業時間~
有關詳情可以睇返JR官網: http://www.alpen-route.com/tw/courses/#section03,
雖然事前要做足功課, 但係有得遠離城市的喧囂, 喺海拔高達3000公尺既山上感受大自然既奇觀, 一生點都要朝聖一次呀!
所以話, 搞得掂立山黑部阿爾卑斯山脈既交通, 就再冇野難得到你啦!
祝大家旅途愉快!
有用連結:
阿爾卑斯山脈路線官網 https://www.alpen-route.com/

About the Author:

Profile photo of Victor