食の魅力

香箱蟹&金澤おでん

香箱蟹&金澤おでん 一年前我決定11月一定要去金澤旅行、點解呢?因為日本海嘅海鮮喺冬天係最好食嘅。北陸地方11月開始先有得食嘅蟹叫做香箱蟹,呢款蟹係特別好食!雌性香箱蟹嘅蟹膏同蟹卵只有11月至12月先可以食得到。通常加埋蟹味噌・蟹肉一齊蒸嚟食,都幾好食架! 但係我覺得最好食嘅方法係おでん(ODEN)!おでん(ODEN)係關東煮嘅日文、各個地方嘅關東煮都有少少唔同嘅、有咩唔同呢?其實每個地方都有唔同特色嘅材料、唔同味道嘅汁、又可以加芥末或者味噌等等。今次係我第一次食金澤おでん,金澤おでん用嘅特色材料就係香箱蟹。將蟹膏、蟹籽、蟹汁同蟹肉放喺甲羅入面、同其他おでん材料一齊煮。吸收哂所有精華嘅おでん汁,連埋蟹肉一齊食,感覺真係好幸福。食完之後,加日本酒喺甲羅度飲、真係頂級嘅享受。如果有機會去日本、一定要試下不同地方嘅おでん呀!

2017-12-28T15:54:02+00:00 December 28th, 2017|Package 3 Days, Packages, 北陸中部, 石川(金澤), 食の魅力|

TKG&肉吸

TKG&肉吸 有冇食過日本雞蛋、又濃味又好食。日本人鍾意食嘅方法係生食、將新鮮嘅日本雞蛋放在白飯上,加豉油撈埋、呢個叫做Tamago(雞蛋) Kake (落)Gohan(飯)。 雖然香港有得買日本雞蛋但係覺得唔新鮮同唔安全、所以我返日本嘅時候一定買新鮮嘅雞蛋來做一餐TKG。最近新出不同款式嘅TKG、而超級市場有好多種TKG嘅専用豉油。 呢張相後面嘅湯叫做「肉吸(にくすい)」,肉吸即係「肉烏冬走烏冬」、湯有牛肉同蔥加上半熟蛋添。肉吸係難波嘅餐廰「千とせ」出名之後成為大阪特色嘅野食、大家試吓啦!

2017-08-18T14:21:55+00:00 August 17th, 2017|Package 3 Days, 大阪, 關西, 食の魅力|

好似宮崎駿嘅世界

日本的動畫之神宮崎駿嘅電影、天空之城、龍貓、千與千尋、風之谷、魔女宅急便、崖上的波兒、大家都起碼睇過一套!以下介紹嘅大自然地方,就好似宮崎駿世界內、龍貓住嘅地方呢。

2017-08-18T14:14:21+00:00 August 3rd, 2017|Package 3 Days, Unforgettable View, 滋賀, 租車, 關西, 食の魅力, 駕駛樂|
加載更多帖子